Edi Rama do të mbledhë qeverinë në qytetin e Elbasanit, në një takim informal të thirrur nga vetë ai.
Sipas burimeve, pjesë e këtij takimi do të jenë dhe ministrat e shkarkuar dhe ata të emëruar me kërkesë të Ramës.
Takimi është një vijëmësi e takimeve të mbajtura vitin e kaluar në qarqe të tjera, si Shkodër, Dibër, Vlorë.
Në fokus të takimit do të jenë reformat e qeverisë dhe kërkohet llogari për ato që nuk janë arritur. Takimi zhvillohet me dyer të mbyllura.
Gjithashtu mësohet se të pranishëm në mbledhje do të jenë edhe kreu i Kuvendit Gramoz Ruçi dhe kryetari i grupit parlamentar socialist, Taulant Balla.
Kryeministri Edi Rama ndryshoi gjysmën e qeverisë, duke vendosur dhe në postin e zv.kryeministrit deputetin Erion Braçe.
