Një truprojë e një lokali nate që humbi jetën mbrëmjen e Vitit të Ri në Londër, besohet të jetë vrarë nga disa shqiptarë.
Sipas Daily Mail, 33-vjeçari Tudos Simionov mbeti viktimë e përleshjes mes gangsterëve të bandave.
Ngjarja
Autorët, për të cilët thuhen se janë gangsterë shqiptarë, kishin nisur një sherr në një festë me “drita të kuqe” që zhvillohej në një shtëpi.
Ata kishin shkuar në festë për të zhvatur para nga tutorët, prostitutat dhe trafikatët e drogës që ndodheshin aty.
Në pak çaste, nisi një betejë mes bandave rivale, pasi shqiptarët po mundohen të marrin kontrollin e sa më shumë zonave në Londër. Truproja i festës mbeti i vrarë me thikë në gjoks nga përleshjet. Festa me “drita të kuqe” besohet se ishte organizuar nga Eddie Davenport 53 vjeç.
Eddie nuk ishte i panjohur për autoritetet.Ai ishte dënuar me 8 vite burgim për mashtrim me vlerë 4.5 milionë Paund. Davenport njihet si personi që u bë i njohur duke organizuar festa orgjish për nxënësit e familjeve të pasura. Avokati i tij thotë se 53-vjeçari nuk ishte organizator i kësaj feste, ku mbeti i vrarë truproja nga Rumania.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
