Qyteti i ujit të bekuar, me traditën më të lashtë dhe të pandërprerë prej më shumë se 2.400 vitesh, ka mbledhur paraditen e kesaj të diele qindra banorë të Beratit dhe rrethinave, për të parë nga afër hedhjen e kryqit në shtratin e lumit Osum.
Kryqi u hodh në lumë nga At Petraq Simsia, ndërsa dhjetëra të rinj kanë sfiduar temperaturat e ulëta për ta kapur atë.
Kësaj radhe, fati ishte me të riun nga lagjja “Goricë”, Konstandin Musha, i cili arriti ta nxjerrë kryqin dhe t’ia dorëzojë sipas riteve drejtuesve të kishës.
Dita e ujit të bekuar është përkujtuar edhe në qytetin e Durrësit, ku ceremonia e hedhjes së kryqit në ujë është bërë në basenin e Portit të Durrësit. Kryqin këtë vit e nxori nga uji i riu Ersi Papajorgji, i cili falënderoi Zotin për bekimin që i dha në këtë ditë të shënuar./Tch
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
