Era Istrefi është këngëtarja shqiptare e cila tashmë njihet dhe ndërkombëtarisht, ku së fundmi në Kupën e Botës shënoi suksesin e radhës me këngën e botërorit.
E kemi parë Erën të bashkëpunojë me këngëtarë të famshëm të huaj dhe shumë pak me ata shqiptarë. I fundit me të cilin ka kënduar ka qënë Ledri Vula në verën e para 4 viteve.
Por së fundmi, Era ka vendosur t’iu rikthehet këngëve shqip sërish.
Në një intervistë për “Telegrafin”, këngëtarja ka bërë të ditur se së shpejti publikon duetin me motrën e saj, Norën.
“Do të sjell atë që po e presin fansat tash e një kohë. Një këngë shqip me motren time, Norën. Ky do të jetë një ndër projektet e mia të ardhshme në mesin e disa bashkëpunimeve tjera”, ka thënë Era.
