Rreth një javë nga vrasja e trefishtë në Elbasan, ende nuk ka asnjë të arrestuar. Nisur nga dinamika, por edhe mënyra e ekzekutimit, Policia dyshon se vrasësit kanë qenë me pagesë dhe profesionistë, pasi nuk kanë lënë asnjë gjurmë duke e bërë shumë të vështirë identifikimin e tyre.
Sipas të dhënave nga grupi hetimor autorët dyshohet se u larguan në drejtim të Peqinit pas ekzekutimeve me breshëri kallashnikovi. Ndaj edhe mësohet se, pas kontrollit të vendit të ngjarjes, katër agjentë të Krimeve të Rënda kanë bërë ditën e sotme një kontroll në këmbë përgjatë aksit Elbasan – Peqin për gjurmë të mundshme të autorëve.
Ngjarja ndodhi 6 ditë më parë në hyrje të Elbasanit, pranë Metalurgjikut, teksa autorët i ndoqën dhe i vranë tre personat. Endrit Alibeaj ishte objektiv i atentatit, por të vdekur mbetën edhe daja i tij Arben Dylgjeri si dhe një turk, Erdal Durunay. Dyshohet që janë përdorur në këtë atentat, dy automjete. Makina e parë mendohet se ka ndjekur Endrit Alibejn gjatë ditëve që ai ka qenë në Shqipëri si dhe në datën 29 dhjetor, ditë ku u bë atentati.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
