Ashtu si sinoptikanët kishin parashikuar reshje dëbore dhe temperatura të ulëta, ashtu dhe ndodhi.
Mbrëmjen e djeshme filluan reshje dëbore në zonën juglindore, ku trashësia e borës i kaloi 30 cm.
Në Dardhë trashësia e borës shkon në 40 cm, ndërsa në zonat e tjera janë regjistruar 15-20 cm reshje bore.
Si pasojë e uljes së temperaturave në disa akse rrugore ka akulli. Kryesisht, në aksin Korcë-Dardhë, Korçë-Voskopojë, Qafa e Qarrit lëvizet vetëm me zinxhirë.
Temperaturat kanë kaluar nën 0 gradë, ndërsa ngricat parashikohen të jenë të pranishme nëse nuk kemi ngritje të temperaturave.
