Detaje të reja mësohen nga ngjarja e rëndë e ndodhur në Laprakë 3 ditë më parë, ku mbeti e vdekur një 17 vjeçare dhe u plagos 23-vjeçari.
23 vjeçari, Erjon Benga është jashtë rrezikut për jetën, dhe pse mori goditje në shpatull. Ai ka dhënë dëshminë e tij për oficerët gjyqësorë nga ambjentet e spitalit.
Benga mohoi të ketë patur lidhje dashurie me 17-vjeçaren, ndërsa shpjegoi se kishin dalë thjesht për kafe pasi njiheshin nëpërmjet një shoqes së saj.
Benga ka treguar për sulmin, duke thënë se nuk e priste dhe nga errësira nuk ka arritur të shohë dot.
Panorama shkruan se Benga u pyet nëse e njeh personin e dyshuar, të shpallur në kërkim për ngjarjen. Ai ka deklaruar se në dy raste ka pasur konflikte me të, por pa dhënë detaje për motivet e sherrit.
Autori
Një 19-vjeçar nga Tropoja e banues në Tiranë dyshohet të jetë autori i atentatit.
Sipas policisë, ai është ende në kërkim, ndërkohë që ditën e djeshme, shtetasi Robert P., personi që e ka ndihmuar gjatë atentatit, është arrestuar.
NGJARJA
Deri më tani, referuar kamerave të sigurisë dhe hetimeve paraprake, policia ka zbardhur faktin se 17 vjeçarja nga Mirdita, që humbi jetën ka qenë në lokal me të riun në orët e pasdites.
Po në atë lokal kanë qenë dhe autori i krimit së bashku me një person tjetër.
Këtat ë fundit kanë qenë të ulur në një tavolinë tjetër. Policia ka dyshime se mes djemve ka pasur një konflikt brenda lokalit, që ka detyruar Erion Bengon të dilte jashtë bashkë me vajzën.
Ata kanë qenë të hipur në makinë kur është afruar autori dhe ka qëlluar të paktën 4 herë.
Për pasojë 17 vjeçvarja ka marrë plagë në kokë, dhe humbi jetën në vend, ndërsa 23 vjeçari mori një plumb në shpatull.
©DRONI.al
