Një shqiptar është gjetur i pajetë në Lasithi të Kretës, disa ditë pasi kishte humbur, bëjnë me dije mediat greke.
73-vjeçari (identiteti i të cilit nuk bëhet i ditur) u gjet në plazhin Kalamokania në lagjen Makri Gialos, sipas Neakriti.gr.
Mëngjesin e së shtunës, fëmijët e tij denoncuan në polici zhdukjen e të atit, duke nisur kështu një operacion nga autoritetet ligjzbatuese greke për gjetjen e tij.
73-vjeçari, i zhdukur në rrethana misterioze, kishte udhëtuar nga Shqipëria në Greqi 11 ditë më parë për të kaluar pushimet e fundvitit me fëmijët e tij që jetonin dhe punonin në Makry Gialos. Por, të shtunën në mëngjes, pa asnjë shpjegim, u zhdukur nga shtëpia e tyre.
Fillimisht u gjetën rrobat e të moshuarit në një plazh të Makri Gialos. Më pas, 72-vjeçari u gjet i pajetë në det.
Hetimet vijojnë për zbardhjen e plotë të ngjarjes.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
