Vullkani më i madh dhe më aktivi i Europës shpërtheu në Itali pak orë para Krishtlindjeve, duke krijuar probleme për shumë vendas dhe turistë në zonat aty pranë.
Mes sezonit të pushimeve, shpërthimi i vullkanit Etna çoi në mbylljen e aeroportit të Catania në bregun lindor të Sicilisë për shkak të hirit të rëndë që u përhap në qiell.
Ndërsa aeroporti rifilloi aktivitetin e plotë në Krishtlindje, hiri mbulonte rrugët dhe trotuaret e qyteteve të afërta Zafferana Etnea dhe Santa Venerina.
Vullkani nuk ka çuar në ndonjë evakuim për vendasit por ka ndërprerë bizneset e tyre, të cilat janë kryesisht bujqësi ose turizëm.
TËRMETI
Një tërmet i fuqishëm ka goditur Sicilinë me magnitudë 4.8 ballë, pas zgjimit të këtij vullkani në malin Etna.
Lëkundjet e forta janë ndjerë në orët e vona të natës së mbrëmshme e për pasojë janë plagosur 10 persona dhe qindra banesa e biznese janë dëmtuar.
