Në festën e Krishtlindjeve, Papa Françesku ka një apel të rëndësishëm.
Papa Françesku u ka bërë thirrje njerëzve të pasur në vendet e zhvilluara që të jetojnë një jetë më të thjeshtë.
Ai gjithashtu dënoi ndarjen e madhe mes të pasurve dhe të varfërve në botë, duke thënë se lindja e Jezusit ndodhi në varfëri dhe kjo duhet t’i bëjë të gjithë të reflektojnë mbi kuptimin e jetës.
Ai i tha të gjitha këto, ndërsa drejtoi një meshë në Bazilikën e Shën Pjetrit në Vatikan për festimet tradicionale të Krishtlindjeve.
Është Krishtlindja e gjashtë e 82-vjeçarit si kreu i Kishës Katolike Romake.
Në predikimin e tij, Papa Françesku tha se lindja e Krishtit vuri në dukje një mënyrë të re për të jetuar “jo duke ngrënë dhe grumbulluar, por duke ndarë dhe dhënë”.
Ai vazhdoi: “Le të pyesim veten: A duhet me të vërtetë të gjitha këto objekte materiale dhe receta të komplikuara për të jetuar? A mund të menaxhohet jeta pa të gjitha këto gjëra panevojshme për të jetuar një jetë thjesht?
Në Ditën e Krishtlindjeve të martën, Papa do të dërgojë mesazhin e tij “Urbi et Orbi” (në qytet dhe në botë) nga ballkoni i Shën Pjetrit.
Françesku, Papa i parë nga Amerika Latine, ka nxjerrë në pah gjendjen e të varfërve si një ndër problemet dhe çështjet themelore.
BBC News
