Punonjësit e një kompanie do të lumturohen për Krishtlindjet e këtij viti. Kompania FloraCraft me bazë në Miçigan është duke dhuruar gati 4 milionë dollarë shpërblime për 200 punonjësit e saj.
FloraCraft – me seli në Ludington – është një prodhuesi kryesor i produkteve artizanale dhe luleve, me produkte të shitura në gjigandët e Walmart, Amazon, Michaels, Joann dhe Hobby Lobby. Kompania, e themeluar në vitin 1946, ka të punësuar afërsisht 200 vetë.
Ideja për dhuratën bujare erdhi nga pronari dhe kryetari Lee Schoenherr, i cili ka drejtuar kompaninë që nga viti 1973.
Surpriza u njoftua më 14 dhjetor në drekën e festës së kompanisë, në të cilën punonjësit duartrokitën (disa madje derdhnin disa lot).
“Kjo është diçka që Lee dëshiron të bëjë për shumë vite”, thotë Eric Erwin, president dhe CEO i FloraCraft.
K.Balliu/DRONI.al
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
