Kryeministri Edi Rama në një lidhje live përmes ERTV u shfaq në kantierin e konvikteve të Inxhinierisë së Ndërtimit në disa prej rezidencave ku janë akomoduar studentë.
Kryeministri u shpreh se ky ishte një investim i qeverisë shqiptare duke inspektuar punimet pikërisht ditën e sotme.
Rama shkruante; Në kantierin e konvikteve të Inxhinierisë së Ndërtimit Rezidencat A/B/C dhe D, ku falë marrëveshjes me qeverinë gjermane, 1080 studentë do të akomodohen në kushte optimale, brenda muajit mars😊 Atyre që e kanë shkruar pikën 1 të 8 kërkesave të studentëve, u them se plani ynë për përmirësimin e kushteve në konvikte, ka nisur të zbatohet kohë më parë😉Por nga ana tjetër, kjo pikë e artikuluar së fundmi, si një kërkesë e studentëve, është një shtysë e nevojshme për të ecur më shpejt🙏”.
I menjëhershëm ka qënë reagimi i Kryetares së LSI e cila ka shkuar në atë zonë për të demaskuar kryeministrin.
Sipas Kryemadhit, ai ka mashtruar duke thënë se është investim i qeverisë.
”Ai sot shpërndan një video ku thotë se është projekt i qeverisë shqiptare. Por gënjen, ja ku është tabela, se nuk është i qeverisë shqiptare. Është projekt i qeverisë gjermane. Pasi falsifikoi firmën e sekretarit të Shtetit në Amerikë po vjedh edhe projektet e qeverisë gjermane. Ky është një projekt i vitit 2011, i cili duhej të kishte mbaruare në 20 dhjetor të 2018. Por nuk mjafton kjo, por vjen dhe bën dhe show mediatik”, tha Kryemadhi.
Në fund ajo i drejtohet Kryeministrit Edi Rama se nuk do ti ndahet dhe do të jetë aty për ta demaskuar gjithmonë me mashtrimet që nxjerr.
https://www.facebook.com/KryemadhiMonika/videos/1943749855660476/
