Policia Rrugore e Tiranës ka shtuar patrullat për të monitoruar shkeljet e rregullave të qarkullimit rrugor.
Policia njofton se kanë marrë këto masa duke parë shtimin e numrit të këmbësorëve dhe mjeteve, në rrugët e kryeqytetit dhe sheshet kryesore ku janë përqëndruar zonat festive, por edhe rrezikun që u kanoset këmbësorëve në vendkalimet e tyre dhe jo vetëm.
Një prej shkeljeve është edhe mosdhënia e përparësitë ndaj këmbësorëve në vendkalimet e tyre.
Nga kontrollet policore në formën e patrullimit dhe monitorimit në disa segmente rrugore të cilat nga analizat e aksidenteve janë evidentuar si “njollatë zeza” për shkak të rrezikshmërisë dhe pasojave që kanë sjellë here pas here këto ngjarje rrugore, janë evidentuar dhe proceduar 67 drejtues mjetesh për mosdhënie përparësie ndaj këmbësorëve, si dhe janë këshilluar shumë këmbësor që të përdorim vendkalimet e përcaktuara, si dhe të tregojnë kujdes të shtuar kur kapërcejnë rrugën, veçanërisht natën.
https://www.facebook.com/policia.al/videos/938668079663315/
