Byroja e Kuvendit pas një orë mbledhjeje, ka vendosur me votat e mazhorancës, të përjashtojë me 10 ditë nga seancat plenare dy deputetët e Partisë Demokratike, Flamur Noka dhe Gent Strazimiri.
Vendimi është marrë si pasojë e përplasjeve në seancën e sotme ku nuk munguan debatet dhe diskutimet.
Mazhoranca kishte bërë kërkesë gjithashtu dhe për përjashtimin e Lulzim Bashës dhe Sali Berishës nga punimet e Kuvendit, por Byroja ka dhënë vetëm vërejtje.
Një kërkesë të njëjtë kishin dhe opozitarët, kundër kryeministrit Edi Rama, por Byroja nuk e ka marrë në konsideratë.
”Kërkojmë që Berisha t’i japë fund gjuhës së përçarjes ndaj shqiptarëve në seancat e radhës. Kërkesa për deputetin Edi Rama rezultoi se nuk përmbante gjuhë të urrejtjes apo shkelje të etikës dhe kërkesa është rrezuar”– tha Vasilika Hysi.
Ditën e djeshme, Byroja vendosi përjashtimin me 10 ditë nga kuvendi për deputetin Endri Hasa, i cili qëlloi me vezë kryeministrin Edi Rama.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
