Presidenti Ilir Meta ka bërë disa deklarata lidhur me propozimin e vettingut në politikë, e cila u rrëzua sot nga mazhoranca.
Meta, i cili ndodhet në Pogradec, ka thënë se Vettingu është i domosdoshëm dhe duhet të gjendet një formë për ta realizuar.
Gjithashtu, kreu i lartë i shtetit, përmendi dhe reformën zgjedhore. Sipas tij, palët të gjejnë marrëveshjen për të kthyer besimin tek zgjedhjet e lira dhe të ndershme.
”Jemi të vonuar në Reformën zgjedhore”,u shpreh Meta.
Në fund, Presidenti Meta nuk harroi as të përmendte situatën e protestave të studentëve, duke bërë dhe një thirrje.
”Kërkesat e studentëve të marrin përgjigje. Kërkesat e studentëve janë të drejta dhe legjitime. Studentët të kthehen në auditore të mos ikin nga vendi” përfundoi ai.
