Ish-kryeministri Sali Berisha ka komentuar veprimin e deputetit Endri Hasa.
Në një deklaratë të shkurtër për mediat përpara godinës së Kuvendit të Shqipërisë, ish-kryeministri u shpreh se deputeti Endri Hasa i dhuroi kryeministrit Rama, kartolinën e Krishtlindjeve dhe të Vitit të Ri nga studentët.
Ai duke ironizuar tregoi se nga kishin ardhur vezët me të cilat deputeti i PD-së, Hasa qëlloi kryeministrin.
“Vezët që hodhi deputeti i Partisë Demokratike Endri Hasa, ishin kartolina e Krishtlindjeve dhe e Vitit të Ri që deputeti i dërgoi për studentët kryekumbarës, kreut të krimit të organizuar dhe kreut të korrupsionit Edvin Kristaq Ramës. Që ta merrni vesh ju, ato vezë vinin direkt nga Surreli,” – është shprehur Berisha.
https://www.facebook.com/SaliBerisha/videos/330741980854650/
Endri Hasa u përjashtua 10 ditë nga seanca plenare me vendim të Byrosë së Kuvendit. Këtë veprim, Kryeministri Rama e cilësoi si frikë nga mllefi i studentëve.
Të kthyer pas një qëndrimi të gjatë rrugëve,opozitarët tanë jo vetëm duket e paskan të vështirë të përshtaten me rregullat e sjelljes jorrugore,po si duket e paskan vrarë kohën koteceve duke dhunuar pula e vjedhur vezë, kur kaluan në ilegalitet nga frika e mllefit të studentëve.”- shkruan Rama në Twitter.
