Studentët e Fakultetit të Ekonomisë kanë dalë me 12 vendime pas gjithë këtyre ditëve të protestës së madhe.
Në një fletë, ata kanë shënuar me imtësi si do të procedojnë me protestat e tyre dhe një lloj zgjidhje që i japin situatës të krijuar.
Vendimet
1- Mospagimi i tarifave të shkollimit deri në marrjen e përgjigjes për 8 kërkesat e tyre.
2- Shtyrjen e sezonit për shkak të situatës së krijuar dhe afatit të procedurave për bursa për studentët e FEUT-së.
3- Transparenca e çdo veprimi financiar të buxhetuar dhe faktit të Fakultetit të Ekonomisë.
4- Me daljen e kuadrit ligjor stafi akademik i FEUT shpreh gatishmërinë për të rivlerësuar cilësinë e portofolit të tyre akademik
5- Vlerësimi i performancës në mësimdhënie nga studentët në fund të çdo semestri dhe kërkimet shkencore të pedagogëve, publikimi i ture online dhe regjistrimi i leksioneve.
6-Rikonstruksioni dhe bërja funksionale e sallave laboratorike.
7- Zerimi i tarifave të brendshme (Listë notash, vërtetimesh) për studentët aktivë
8-Pasurimi i bibliotekës me 150 tituj të rinj për pedagogë dhe studentë brenda 3 muajve
9-Mundësimi i praktikave nga fakulteti për studentët të cilët nuk e sigurojnë dot individualisht.
10- Nisja procedurave për projektin e ndërtimit të Kampusit Universitar bazuar tek premtimet i kryeministrit.
11- Transparenca për procedurat e përzgjedhjes nga programet e Erasmus për pedagogë dhe studentë
12- Nisja e një plani veprimi për plotësimin e kërkesave të studentëve që varen nga dekanati.
Studentët kanë hyrë në ditën e 15 të protestës, ndërkohë që bojkoti do të vijojë deri në marrjen e përgjigjes për plotësimin e kërkesave të tyre.
