Dy motra të mitura janë zhdukur që prej pasdites së djeshme në Tiranë. Mbrëmjen e të martës në Tiranë, dy motra binjake të moshës 13-vjeçare nuk janë kthyer në shtëpi pasi kishin dalë më herët. Kjo ka alarmuar familjarët dhe ka qenë babai ai që ka bërë denoncim në komisariatin nr. 4 për zhdukjen e tyre. Nga kontrolli i ushtruar nga policia në kryeqytet, ato nuk janë gjetur.
Familjarët ka bërë denoncim në komisariatin e policisë për zhdukjen e vajzave 13-vjeçare.
Policia e Tiranës ka ngritur një grup hetimor i cili po këqyr telefonat për të parë se kë kanë komunikuar për herë të fundit dy të miturat. Deri më tani nuk ka asnjë gjurmë për vendndodhjen e dy vajzave. Pavarësisht se zhdukja e dy vajzave të mitura ka ndodhur që ditën e martë, policia e Tiranës e ka mbajtur të fshehtë ngjarjen.
Policia e Tiranës nuk e ka publikuar zhdukjen e dy të miturave në komunikatë, duke mos dhënë asnjë informacion.
Ka dyshime që vajzat mund të jenë larguar me dëshirën e tyre, ose ndonjë person i ka rrëmbyer.
Babai i vajzave ka thënë në Polici se nuk ka pasur asnjë konflikt me to. Policia nga ana tjetër thotë se po vijon kërkimet për dy të miturat.
Policia ka shpallur në kërkim dy vajzat e zhdukura dhe po punon për gjetjen e tyre.
“Kemi bërë kontrolle në shumë ambiente në Tiranë dhe po punojmë për gjetjen e vajzave”.
