Fidan Bejta ka rrëfyer ngjarjen e 13 majit 2018, ditë kur ai shpëtoi 20 fëmijë në Suedi nga një grua e cila tentoi t’i godiste me thikë në një kënd lojërash.
Në një lidhje telefonike për Report tv nga Malmo e Suedisë, Bejta ka treguar me detaje atë që ka ndodhur më 13 maj 2018, kur ai ndërhyri për të shpëtuar 20 fëmijë nga një grua e cila po përpiqej t’i qëllonte me thikë
Bejta: Isha jashtë me djalin duke shëtitur. E lashë djalin jashtë dhe hyra të vishesha. Dëgjova nga jashtë zëra se një grua po ndiqte me thikë disa fëmijë. Iu afrova gruas në oborr. E pyeta çfarë je duke bërë dhe u përpoq të më qëllonte me mua. E lashë 2 minuta duke u konfliktuar me mua, në mënyrë që të përqëndrohej tek unë dhe jo tek fëmijët. Një fqinji im, arab, u afrua në mënyrë që gruaja të ikte dhe të kthehej me kurriz. Kur ajo u kthye unë e qëllova në kurriz. Ajo ishte me problem të shëndetit mendor. Nuk i kishte konsumuar rregullisht ilaçet e saj. Fëmijët ishin të trembur, por që prej atij momenti sot më thërrasin “heroi” “heroi”.
Bejta ka folur edhe për mesazhin e marrë nga idhulli i tij, ylli suedez i Futbollit, Zlatan Ibrahimoviç. Bejta tha:
“Ishte shumë emocionuese, Zlatan Ibrahimoviç më uroi për veprën time. Ai më ftoi që të shihja në stadium një ndeshje të tij të futbollit. Kam 4 motra, ne jemi nga Skënderaj i Kosovës. Kam 20 vite që jetoj në Suedi.”
Shqiptari Fidan Bejta është shpallur mbrëmjen e djeshme “Heroi i vitit 2018” në Suedi. Në një ceremoni gala, Bejta u urua edhe nga ylli Zlatan Ibrahimovic por jo vetëm. Gjithë Suedia flet tashmë për shqiptarin nga Kosova që ka zënë faqet e para të të gjitha mediave të shtetit nordik./Report tv
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
