Partia Demokratike dhe ajo Socialiste kanë mbledhur grupet e tyre përkatese nga ku secila kanë dalë me disa vendime.
Grupi i PS vendosi që të premten Kuvendi të mblidhet në një seancë të posaçme për Vettingun në politikë. Seanca e së premtes mund të rikthejë në Kuvend dhe opozitën, e cila vijon bojkotin prej gjashtë muajsh, duke bërë që mandatet e tyre të shpëtohen.
Por nga ana tjetër, mësohet se brenda grupit të PD, është folur për djegien e mandatave. Ka qënë deputeti Ervin Salianji i cili ka kërkuar djegien e mandateve si akt politik dhe jo prej përfundimit të afatit.
Ndërkohë kreu i kësaj force politike, Lulzim Basha u është përgjigjur gazetarëve, në një deklaratë pas mbledhjes se do të vendoset bashkë me aleatët e tjerë se si do të veprojnë për të premten.
Ai ka folur dhe për protestën duke thënë se PD e mbështet deri në fund dhe se opozita është me mendje dhe shpirt tek studenti.
”Sot është protesta e studentëve. PD e mbështet dhe është me shpirt dhe mendje. Jam i vetëdijshem se nuk ka nevojë të bëjmë akte protagonizmi për t’i shërbyer propagandës së Ramës, i cili prej 13 ditësh po i torturon”, tha Basha.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
