Mijëra protestues dolën këtë të diel në rrugët e Brukselit për të kundërshtuar paktin për emigracionin të OKB-së të nënshkruar javën e kaluar në Marakesh.
Partitë e krahut të djathtë të etnisë flamande ishin organizatore të tubimit.
Kjo protestë u zhvillua para godinave kryesore të institucioneve të Bashkimit Europian. Sipas tyre, kjo marrëveshje do të rrisë numrin e emigrantëve që do të vijnë në të ardhmen në kontinent.
Policia përdori gaz lotsjellës dhe ujë për të shpërndarë turmën që arrinte deri në 5500 persona.
Ndërkohë në qendër të qytetit, organizohej një kundër protestë nga partitë e krahut të majtë dhe organizata bamirësie, me rreth 1000 pjesëmarrës.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
