Ka përfunduar procesi i numërimit të votave për anëtarë të Këshillit Kombëtar të Partisë Demokratike.
Kujtojmë se votimi u mbajt të shtunën. Kanë qenë 6000 delegatë me të drejtë vote, ndërsa në përfundim të numërimit kanë votuar më shumë se 75 për qind e tyre, konkretisht 4770 delegatë.
Sot pritet që të publikohen edhe emrat të cilët kanë marrë më shumë vota dhe që do të jenë pjesë e Këshillit Kombëtar.
Pas Këshillit, pritet të zgjidhen edhe strukturat e tjera, si Kryesia, Sekretari i Përgjithshëm, nënkryetarët dhe sekretariatet.
Dje u tërhoq nga gara zëdhënësja e ish-kryeministrit Sali Berisha, Erla Mëhilli për shkak të angazhimeve të saj.
Përballë largimeve në sy ranë dhe rikthimi i disa emrave dhe demokratëve të vjetër, Aleksandër Biberaj e Gazmend Oketa, të cilët deri dje kanë qenë pjesë e FRD-së së Bamir Topit.
