Teksa studentët do të vijojnë në protesta dhe ditën e sotme, një tjetër protestë është duke u zhvilluar në vend.
Banorët e fshatit Shkallë në Bashkinë e Konispolit janë ngritur në protestë, ndërsa në shenjë kundërshtie kanë pezulluar dhe punën.
Protestuesit kanë bllokuar edhe të gjitha pikat e grumbullimit, për shkak të çmimit sipas tyre të ulët të mandarinës, e cila sipas tyre po shitet me 28 lekë.
Protesta e Studentëve
Sot është dita e 12 e protestës së tyre, ndërsa kanë paralajmëruar për shkallëzim të saj ditën e nesërme.
Studentët kërkojnë realizimin e kërkesave të tyre pa asnjë kompromis. Nga ana tjetër kryeministri Edi Rama kërkon dialog dhe pse shprehet se është i gatshëm të plotësojë të gjitha pikat.
Presidenti Ilir Meta riktheu në Kuvend për rishqyrtim ligjin për buxhetin 2019, duke i lënë kështu mundësi qeverisë të bëjë ndryshimet dhe për pjesën e arsimit.
Protesta po zhvillohet para Kryeministrisë, ku disa prej studentëve dhe kalojnë natën para godinës në shenje rezistence. Ata shprehen të vendosur, ndërsa Kryeministri ende nuk tërhiqet nga ideja për dialog.
