Nga MARIO KOXHA:
Të bashkuar, të vendosur dhe të palëkundur në ato cfarë kërkojnë. Pa ansjë dyshim personazhet e vitit 2018 janë studentët!
Një-zëri kërkojnë të drejtat e tyre, si të gjithë studentët anembanë botës. Kanë në mendje 8 pika dhe në zemër vetëm një shpresë që të plotësohen, pa dialog, i cili do zbehte frytin e protestës masive që solidarizoi mijëra qytetarë.
“Thika në palcë” detyroi “diellin” e një vendi të ngrinte zërin, papërgjeshmëria e institucioneve “burokrate” bëri që këta të ulnin kokën.
Por cfarë këkojnë në të vërtetë studentët? Pse janë të rëndësishme këto 8 pika?
Problemet e Shqipërisë janë të pafundme, saqë nuk do të mjaftonin edhe tre dekada të tjera demokraci për t’i zgjidhur! Kjo është dhe ajo cfarë mendojnë studentët.
Por një arsim cilësor e mundëson zgjidhjen e këtyre “halleve”. Prandaj pikat janë të padialogueshme por thjesht të plotësueshme dhe bazike. Studentët nuk kërkojnë vendim të menjëhershëm për të shuar protestën, por zbatim emergjent të tyre në gjithë sistemin arsimor.
Të ndalesh një sekondë dhe të mendosh! A mund të ndodhë që shërimi I sëmundjes së kancerit të jetë në mendjen e një studenti që nuk ka para të paguajë shkollën??! Mund të ndodhë! Dhe do ishte për të ardhur keq.
Normalisht studentët e kuptojnë që gjendja e shtetit nuk është fort e mirë, por të vendosur dalin me deklarata për një shtim të buxhetit në “rrënjën” e tij, ARSIMIN!
Cfarë do të sjellë kjo?
Kjo do të sjellë inxhinierë më të mirë, mjekë më profesionistë, gazetarë të mirëpërgatitur, politikanë që e duan vendin dhe mbi të gjitha do të shuajë dëshirën e shqiptarëve për të braktisur Shqipërinë. Pra në thelb 8 pikat janë vetëm një pikë uji në krahasim me oqeanin ku është fundosur arsimi.
Studentët e këtij dhjetori janë të vetmit që panë shpresë ne këtë vend, dhe si të tillë ata nuk rrethuan ambasadat për tu larguar por rezistojnë përballë institucioneve për të vënë “tullën” e parë në ndërtimin e Shqipërisë Europiane.
