Prej dy ditësh, reshjet e shiut kanë mbërthyer disa prej zonave në vend, ndërkohë që sinoptikanët kanë parashikuar reshje akoma më të dendura.
Sipas Meteoalb, do të ketë më shumë vranësira dhe reshje shiu dhe shumë pak reshje bore kryesisht në zonat malore.
Temperaturat do të jenë, 17°C maksimale dhe -2°C në zonat e thella malore.
Nga reshjet e dendura të shiut, mësohet se qyteti i Vlorës është zgjuar me përmbytje. Disa lagje kryesore të saj duket të jetë mes ujit, si: në rrugën ‘Kosova’ dhe në rrugën ‘Gjergji’ . Kanalet kulluese janë bllokuar duke sjellë mos qarkullimin e ujit. Gjithashtu po në këtë qytet, janë ndërprerë të gjitha udhëtimet me traget, pasi dhe Porti i Vlorës është i përmbytur.
