Kuvendi nuk ka miratuar kërkesën e Petrit Vasilit për të futur në rend dite, amandimet e paraqitura nga LSI për arsimin e lartë.
Si rrjedhojë, deputetët e opozitës e kanë braktisur sërish Kuvendin duke dalë nga seanca.
Ndërkohë kanë ndodhur disa përplasje përgjatë disa minutave. Kryeministri Edi Rama nuk i është bindur kreut të Kuvendit, Gamoz Ruçi duke marrë fjalën pa radhë. Në fakt, ai i zuri radhën deputetit Ervin Salianji.
Duke iu referuar procedurës Rama mori fjalën për tre minuta, po nuk është kaluar pa reagimin e Salianjit, i cili i hodhi letra në fytyrë dhe për pak u shmang dhe konflikti fizik mes të dyve.
Rama nga ana tjetër. pranoi që protesta e studentëve i dha një shuplakë qeverisë ndërsa sërish, apeloi për dialog. Kreu i Grupit Parlamentar të PS, Taulant Balla deklaroi se kërkesat do të plotësohen një nga një. 
