Dita e 7 e protestës deri më tani duket të ketë numrin më të madh të studentëve. Edhe pse studentët kanë disa ditë që protestojnë për të plotësuar kërkesat e tyre, dita e sotme është vendimtare për vijëmësinë e saj.
Janë qindra studentë të cilët po marshojnë drejt Ministrisë së Arsimit ku në kor thërrasin “Po nuk ulët tarifat do bjerë ministria”.
Ata nuk kanë ndaluar para Kryeministrisë, duke e devijuar sërish atë.
‘Ulni Tarifat’, ‘Shqipëria si Evropa’ dhe shumë thirrje të tjera janë duke drejtuar studentët.
Kryeministri Rama ka afat ditën e sotme për të kthyer përgjigje nëse do të plotësojë kërkesat e tyre. Afati është deri në orën 16:00 të pasdites.
Rama ka kërkuar dialog dhe marrëveshje disa herë, ndërkohë studentët e kanë refuzuar, duke kërkuar plotësimin e menjëhershëm të kërkesave të tyre. Kujtojmë se krah tyre janë dhe maturantë të cilët kanë bojkotuar mësimin për tu ardhur në mbështetje.
https://www.facebook.com/partiademokratike/videos/2149587111729643/
