Kryeministri Edi Rama vazhdon ende të bëjë përpjekje për të dialoguar me studentët, të cilët e refuzojnë vazhdimisht deri në plotësimin e kërkesave të tyre.
Në mbrëmjen e djeshme, në emisionin Opinion, studentët refuzuan kategorikisht ardhjen e kryeministrit në një debat televiziv, duke deklaruar se do të dilnin nga studioja nëse Kryeministri bëhej pjesë e diskutimit.
Por Edi Rama nuk ndalet këtu. Së fundmi ai do të kërkojë të bisedojë me studentët në një tjetër televizion.
Në Top channel, bëhet me dije se do të jenë disa studentë si individë jo si grup negociator të cilët do të jenë përballë kryeministrit për të folur.
Por, në një njoftim zyrtar, studentët që aktualisht janë në protestë, bëjnë me dije se ata nuk janë përfaqësues të protestës dhe se nuk ka negociata pa plotësim të kërkesave.
Deklarata e studentëve:
Studentet e kane theksuar qarte përgjatë çdo dite të protestës se negociata të çfarëdo lloji qofshin ato, nuk do të ketë! Ky është vullneti i masës i shprehur qartësisht. Kur i kërkuam diskutim para se të miratohej “Ligji për Arsimin e Lartë” qeveria nuk pranoi.
Pikat e kërkuara janë të qarta!
Kemi informacion se Z.Rama, Kryeministër i vendit do te jetë i pranishëm në një studio televizive (Top Channel – Top Show) ku përballë do të ketë studentë, të cilët do të jenë aty si individë dhe jo si grup negociator. Ne distancohemi prej tyre. Ata nuk janë me ne! Nuk ka përfaqësi, nuk ka negociata! Plotësoni kërkesat!”
Mesazhi që qarkullon për emisionin e sotëm:
DRONI.al
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
