Policia e Tiranës ka vijuar me kontrolle gjatë fundjavës dhe javës për të konstatuar shkeljet e rregullave të qarkullimit rrugor.
Sipas njoftimit të tyre, ka disa shkelje duke filluar me heqje të lejës së drejtimit, pezullim apo dhe gjoba.
NJOFTIMI I PLOTË
Policia Rrugore e Tiranës, gjatë javës dhe fundjavës ishte prezent thuajse në
të gjitha rrugët urbane dhe interurbane të kryeqytetit, me shërbime të shtuara dhe me mjete në patrullim, me qëllim parandalimin e ngjarjeve rrugore që vijnë si pasojë e shkeljeve të rregullave të qarkullimit rrugor, kryesisht nga drejtimi i mjetit nën efektin e alkoolit dhe shpejtësia mbi normat e lejuara, si dhe kontrollin e akseve rrugore duke verifikuar problematikën që krijohet nga kushtet atmosferike me qëllim adresimin e mangësive entit pronar të rrugës.
të gjitha rrugët urbane dhe interurbane të kryeqytetit, me shërbime të shtuara dhe me mjete në patrullim, me qëllim parandalimin e ngjarjeve rrugore që vijnë si pasojë e shkeljeve të rregullave të qarkullimit rrugor, kryesisht nga drejtimi i mjetit nën efektin e alkoolit dhe shpejtësia mbi normat e lejuara, si dhe kontrollin e akseve rrugore duke verifikuar problematikën që krijohet nga kushtet atmosferike me qëllim adresimin e mangësive entit pronar të rrugës.
Nga kontrollet policore, janë verifikuar shkelje “flagrante” të rregullave të qarkullimit, siç ishin nivelet e larta të alkoolit deri në 1.30 mg/l apo shpejtësitë deri në 170 km/h, që për kushtet e rrugës dhe lageshtirën ky nivel alkooli dhe shpejtësitë e larta, janë një rrezik potencial, jo vetëm për drejtuesin e mjetit dhe pasagjerët që udhëtojnë me të, por për të gjithë përdoruesit e tjerë të rrugës.
Disa nga të dhënat dhe shkeljet kryesore të verifikuara gjatë fundjavës, janë:
• 21 të arrestuar në kushtet e flagrancës, nga të cilët 16 drejtues mjetesh për drejtim mjeti nën efektin e alkoolit, 3 drejtues motomjetesh të papajisur me leje drejtimi, si dhe dy drejtues mjetesh për veprën penale të “Korrupsionit aktiv ndaj funksionarëve që ushtrojnë funksione publike”.
• 38 leje drejtimi të pezulluara për drejtim mjeti nën efektin e alkoolit.
• 56 leje drejtimi të pezulluara për shpejtësi mbi normat e lejuara.
• 23 leje drejtimi te pezulluara, per shkelje të tjera të rregullave të qarkullimit rrugor.
• 440 masa administrative për përdorim celulari gjatë drejtimit të mjetit.
• 156 masa administrative për mospërdorim të kaskës mbrojtëse gjatë drejtimit të motomjeteve dhe ciklomotorrëve.
• 70 mjete të ndaluara administrativisht për detyrime administrative të pashlyera.
• Si dhe janë vendosur, 2150 masa administrative për shkelje të tjera të ndryshme.
https://www.facebook.com/1502420603377639/videos/2075021402744478/
