Prokuroria e Katanias ka dalë me pretencën për grupin Habilajt. Mësohet se është kërkuar dënimi me 18 vite e 8 muaj burg për Moisi Habilaj i konsideruar si kreu i grupit që merrej me trafik droge nga Shqipëria në Itali.
Gjithashtu prokuroria ka kërkuar dënimin me 12 vite burg e katër muaj për Meridian Sulaj ndërsa 6 vite burg është kërkuar për Nezar Seitin.
Për Fatmir Minaj prokuroria kërkoi lirimin ndërsa për shtetasit italian, prokuroria kërkoi 15 vite për Antonio Riela, 10 vjet e katër muaj për Gianluca Spampinato,ndërsa për Gianluca Passavanti, katër vjet dhe 20 mijë euro gjobë.
Grupi i Habilajve akuzohet për trafikun e tonelatave kanabis nga Shqipëria në Itali, ndërsa nga përgjimet rezulton se janë përfshirë edhe zyrtarë të policisë, për të cilët vijojnë hetimet nga pala shqiptare.
