Protesta e banorëve të Astirit është zhvilluar edhe këtë të dielë mbrëma, duke shënuar kështu ditën e saj të 36-të.
Thirrje të shumta janë dëgjuar nga protestuesit, madje njëri prej tyre është shprehur se do të djegin makineritë me benzinë nëse ato afrohen për të prishur shtëpitë e tyre.
‘Po afruat makineritë, do t’i djegim me benzinë. Shtëpitë do t’i mbrojmë me gjak’, tha protestuesi.
Protestuesit janë shprehur se edhe ata mbështesin lëvizjen e madhe studentore, duke i cilësuar si shpirti i tyre.
‘Studentët janë shpirti ynë. Rama do të ngelë në klase në qershor. Nuk do të marrë votat tona’-thanë disa protestues të tjerë.
