Presidenti Ilir Meta shpreh mirënjohjen për të gjithë studentët të cilët e shndërruan 8 Dhjetorin, para 28 vitesh, në ditën e tyre të Rinisë dhe Lirisë.
Në një postim në rrjetet sociale, Meta inkurajon studentët që të marrin aktivisht pjesë në proceset demokratike. ]Ai thotë se jehona e thuijrreve ‘E duam Shqipërinë, si Evropa’ nuk është e realizuar.
Reagimi i Metës
Mirënjohje të gjithë studentëve, të rejave e të rinjve, të cilët 28 vite më parë vërshuan në rrugët dhe sheshet e Tiranës, me thirrjen që kumbonte nga gjokset e tyre rinore “E duam Shqipërinë si gjithë Europa” dhe “Liri-Demokraci”, për të shndërruar 8 Dhjetorin në Ditën e tyre, Ditën e Rinisë, Ditën e Lirisë, Ditën e Europës.
Kujtojmë me nderim veprën e Azem Hajdarit, liderit të Lëvizjes Studentore, i cili me guxim, kurajo e shpirt sakrifice frymëzoi ato minuta e orë vendimtare për mijëra studentë, të rinj, pedagogë e intelektualë, për të kthyer në Shqipëri lirinë e munguar.
Jehona e thirrjeve “Liri-Demokraci” dhe e “E duam Shqipërinë si gjithë Europa” të 8 dhjetorit 1990 është ende një aspiratë, jo plotësisht e realizuar.
Inkurajoj dhe mbështes rininë e sotme, veçanërisht studentët, të cilët me shpirtin e tyre të lirë, energjinë, guximin e kurajon e pashembullt të marrin aktivisht pjesë në proceset demokratike për europianizimin e plotë të vendit dhe për ndërtimin e një të ardhmeje të sigurtë të tyre në Shqipëri.
https://www.facebook.com/ilirmetazyrtar/posts/2035559896490273?__xts__[0]=68.ARA_dYmuybcXqtEGbb6OcKM72KF30EXMWKEiTH5iY0HCZA5ncgGprDJBrFfJgzcGmvJnkVPLGsfvTln5IJ_7x_3WAuveV3lFkXoPwKh09GLCc7Io6G8T_ajSF5kH4o_RX8ZmW7L1FuNKJbO_KTOqAj3qqw2gzWJ7a-XE49EYdE1EvpBxi_KSjrqK8KcMko4eyTcanrGSOMbuQyfsHWBaZ0fHBUX-lMOs3g_xghXVkoufWAVaLz40ikxLeUFTKro6-wc_0hkwIGyB7aEsjfFAt7X9uEYpaF8u2ZmfD2nLVUsuD1vBYR1NQWzF1ZwL7rvxkVuQ-CzLcxKNIaHyyS7R1CHS6rp5&__tn__=-R
