Ministrja e Arsimit, Lindita Nikolla ka reaguar në lidhje me protestat e vazhdueshme të studentëve duke i dhënë atyre të drejtë.
“Të jesh ministre është përgjegjësi. Përgjegjësi për të kërkuar dhe ndjesë nëse ke gabuar”, shprehet Nikolla, duke pranuar kështu gabimet e saj gjatë drejtimit të Ministrisë së Arsimit.
Nikolla ka shtuar se rinia është e tashmja dhe se është e gatshme t’i përgjigjet çdo të riu e të reje. 18 milionë euro do të shpenzohen prej buxhetit për rininë, gjithashtu do të vendoset edhe një ligj për ta.
“Kam bërë tur me dëgjesa, arsimi cilësor mbetet një sfidë për ne. Reforma është duke dhënë frytet e para. Protesta është tërësisht legjitime dhe studentët kanë plotësisht të drejtë. Kërkojmë që tarifat të përgjysmohen”, është shprehur në krah të studentëve ministrja Nikolla
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
