Pasi ARRSH pezulloi punimet në lotin e parë, ka ardhur dhe reagimi nga Prokuroria e Tiranës.
Menjëherë pas publikimit të dokumentave zyrtarë në emisionin ‘ Të paekspozuarit’ ku doli mashtrimi me projektin e Unazës së Re, kanë nisur hetimet në lidhje me faktet e bëra publike.
Burime zyrtare nga organi i akuzes pohuan se Prokuroria e Rrethit Gjyqësor Tiranë, po kryen veprimet hetimore, në lidhje me faktet e bëra publike mbi rregullshmerine e veprimeve te kryera, per ndertimet e planifikuara ne Unazen e Re.
“Verifikimi bëhet për veprat penale të Shperdorimit të detyres, parashikuar nga neni 248 i Kodit Penal, Fallsifikimi i dokumenteve, parashikuar nga neni 186 i Kodit Penal, Shkelje e barazise ne tendera, parashikuar nga neni 258 i Kodit Penal. Prokuroria shqiptare garanton vleresimin me objektivitet te fakteve, objekt i ketij hetimi duke kryer veprimet hetimore brenda nje afati te arsyeshem.”- thuhet zyrtarisht nga Prokuroria.
Reagimi i Prokurorisë vjen pas skandalit të publikuar mbrëmë nga emisioni “Të Paekspozuarit”, në lidhje me falsifikimiet e kompaninsë Dunwell Haberman (kompania mëmë e DH Albania), fituese e lotit të parë prej 18 milionë euro për rindërtimin e Unazës së Madhe.
