Një prej pedagogëve të Historisë nuk e ka fshehur emocionin e madh që kjo ditë i ka dhënë.
Romeo Hanxhari, teksa ka shkuar për të dhënë mësim, e ka gjetur auditorin bosh dhe për këtë gjë ai thotë se gjatë gjithë viteve si pedagog, nuk është ndjerë më mirë sesa sot.
Kjo sepse, studentët kanë dalë të kërkojnë lirinë e tyre dhe iiu bën thirrje të mos e zëvendësojnë kurrë këtë fjalë.
REAGIMI I PEDAGOGUT
Auditoret bosh dhe oborri i Fakultetit qe vlon nga zeri i forte i studenteve te revoltuar, eshte pamja me emocionuese qe mund te shohe nje njeri i dashuruar me lirine dhe dinjitetin. Pikerisht sot naten kam shkruar nje artikull qe do te dale ne Panorama, lidhur me talljen e b..es qe ben njeriu superior i ketij vendi me cdo kategori qytetaresh.
I falenderova studentet e Fakultetit tone qe me dhane fjalen me megafon tani ne oborr. U thashe studenteve tane te mrekullueshem qe ajo pamje ishte pamja me e bukur e oborrit qe prej 27 vjetesh kur kam filluar pedagog. U thashe atyre qe “une s’mund t’ju them hapur te lini mesimin, por po ju perseris nje shprehje te madhe te nje njeriu te madh e cila tregon hierarkine e sakrifices: “per dashurine jap edhe jeten, por per lirine jap edhe dashurine”. Tani dhe me vone ne jeten tuaj ndihuni te lire te zevendesoni cdo fjale tjeter ne kete shprehje, u thashe, por mos e zevendesoni kurre fjalen LIRI!
