Presidenti Ilir Meta shfaqet krahë Lorik Canës, ish-kapitenit të Kombëtares, duke bërë me duar simbolin e Shqiponjës.
Meta ka zgjedhur të shkruajë disa fjalë pë Canën. Ai e ngre lart figurën e tij, duke e cilësuar si një ambasador të shkëlqyer të vlera njerëzore dhe sportive të shqiptarëve në botë.
Reagimi i Metës
Kapiteni legjendar i Kombëtares kuqezi, Lorik Cana, është padyshim një nga personalitetet e spikatura të futbollit tonë dhe një ambasador i shkëlqyer i vlerave më të mira njerëzore e sportive të shqiptarëve në botë.
Jeta dhe karriera e tij, e përmbledhur mjeshtërisht në filmin dokumentar “Loriku” është jashtëzakonisht frymëzuese për rininë e fëmijët shqiptarë.
I uroj suksese në angazhimin e ri me Fondacionin e tij në shërbim të fëmijëve e sportit.
Falëminderit Kapiten për emocionet që na ke dhuruar me talentin tënd dhe për promovimin e Shqipërisë!
