Flamuri kombëtar është ulur gjysmë shtizë në Presidencë.
Presidenti Ilir Meta ka marrë këtë vendim në shenjë nderimi dhe respekti për veprën e presidentit George H.W Bush.
Bush ndërroi jetë në moshën 94-vjeçare.
Përmes një mesazhi në faqen e tij të ‘Facebook’, presidenti Ilir Meta vlerësoi figurën e Bush për betejën e tij të palodhur.
Edhe Kosova ka shpallur ditë zie në nderim të figurës së George H.W Bush.
Postimi i Metës:
Në nderim e mirënjohje të veprës së vyer të Presidentit të 41 të SHBA-ve, George H.W Bush ndaj ndryshimeve të para demokratike në Shqipëri e qëndrimit të tij të palëkundur për liritë e të drejtat e shqiptarëve, veçanërisht në Kosovë, në vlerësim e respekt të thellë ndaj betejës së tij të palodhur për lirinë dhe shembjen e Murit të Berlinit, Flamuri Kombëtar në Institucionin e Presidencës është ulur sot në gjysmështizë.
