Instagram më në fund ka bërë realitet mundësinë që të zgjidhni se kush nga ndjekësit tuaj do të shohë postimet që hidhni në ‘story’.
Opsioni ‘Close Friends’ do t’i lejojë përdoruesit të zgjedhin ata te të cilët kanë më shumë besim dhe t’iu tregojnë ato informacione personale që nuk duan ti ndajnë me gjithë të tjerët.
Deri tani, historitë e Instagram-it kanë qenë të gjitha ose asgjë: ato janë ose të ndara me këdo që e sheh profilin tënd, edhe nëse nuk të ndjekin, ose nuk ndahen fare.
Kompania ka ofruar mundësinë për të bllokuar njerëz nga shikimi i tyre, por kjo duhet të bëhet individualisht për secilin person.
Funksioni i ri lejon që përdoruesit e Instagram të fshehin nga ata që nuk duan tua tregojnë, duke e bërë publike vetëm për një grup të zgjedhur miqsh të ngushtë.
Kjo do t’i lejojë njerëzit të ndajnë “momente më personale me një grup më të vogël”, tha Instagram.
Por, si funksionon kjo?
Lista është e vendosur në panelin e djathtë të profilit tënd, ku mund të gjeni mesazhet e ruajtura. Për të patur akses, thjesht klikoni mbi butonin e gjelbër “Add” pranë mikut tuaj dhe ta përfshini atë në listën tuaj.
Më pas kur të shkosh për të postuar një Story, do të gjeni një buton “Close Friends” në këndin e poshtëm në të majtë të ekranit tuaj që mund ta shtypësh për të dërguar përmbajtjen tuaj personale në grupin e përzgjedhur, për momentet që nuk dëshironi t’i ndani me të gjithë personat e tjerë që ju ndjekin (qofshin këto shokët nga gjimnazi, tezja, ose shefi juaj).
