Gjykata e Tiranës ka caktuar sot masën e sigurisë “detyrim paraqitje” për biznesmenin Ajaks Boshnjakun, i cili u dorëzua në polici pasi ishte shpallur në kërkim për ngjarjen në Bllok, ku mbeti i vrarë 1 person dhe 2 të tjerë u plagosën.
Këtë të hënë, Boshnjaku, mik i Ervin Matës, dha dëshminë e tij. Ai është shprehur se menjëherë sapo ka filluar sherri, ai është larguar.
Sipas dëshmisë së tij, mësohet se ai nuk pranon të jetë i përfshirë në ngjarje.
”Nuk kam lidhje me konfliktet mes Ervin Matës dhe Ervis Martinajt. U vetëdorëzova pasi u qartësua pozicioni im në këtë konflikt, ka thënë ai.
Boshnjaku pritet të dalë për masë rivlerësimi nesër në Gjykatën e Tiranës.
Më 4 tetor në një prej lokaleve të ish bllokut gjatë një konflikti me armë mes dy grupeve mbeti i vrarë Fabian Gaxha dhe u plagosen Ervis Martinaj dhe Eljon Hato.
Në kërkim vazhdojnë ende të mbeten Ervin Mata, Merviol Bilo si dhe këngëtarja Elvana Gjata. Nga ana tjetër gjykata ka dhënë masën e arrestit me burg pa afat për Ervis Martinajn dhe Eljon Haton.
