Parlamenti i Ukrainës do të vendosë nëse do të risjellë ligjin ushtarak pas kapjes së tre prej anijeve të saj detare dhe 23 anëtarëve të ekuipazhit nga Rusia. Ligjvënësit e mbështetën kërkesën e presidentit Petro Poroshenko për të sjellë në fuqi ligjin ushtarak, që do të zgjasë 30 ditë duke filluar nga 28 nëntori.
Të tre anijet po lundronin në brigjet e Krimesë, zonë e cila u aneksua nga Rusia në vitin 2014.
Rusia hapi zjarr, përpara se forcat speciale të saj të sulmonin anijet. Ndërmjet tyre, u plagosën dhe gjashtë ukrainas.
Ukraina tha se ky ishte një “akt agresioni” rus. Moska tha se anijet kishin hyrë ilegalisht në ujërat e saj.
Të hënën, presidenti ukrainas Petro Poroshenko tha se ai ishte duke propozuar që parlamenti të mbështeste një ligj ushtarak 30-ditor – gjysma e gjatësisë së asaj që rekomandoi Këshilli i Sigurisë dhe mbrojtjes së Ukrainës.
Ai tha se nuk donte që masa të ndikonte në zgjedhjet presidenciale të caktuara për 31 mars 2019.
Përplasja e së dielës është hera e parë që Rusia dhe Ukraina kanë ardhur në konflikt të hapur gjatë viteve të fundit, edhe pse forcat ukrainase kanë luftuar separatistët rusë dhe vullnetarët e Rusisë në lindje që nga viti 2014.
