Ditën e djeshme është vetëdorëzuar në polici, Ajaks Boshnjaku i cili ishte shpallur në kërkim në lidhje me përfshirjen e tij në ngjarjen e rëndë që ndodhi në zonën e ish bllokut në Tiranë, më 4 tetor të muajit të kaluar mes grupit të Ervis Martinajt dhe atë të Ervin Matajt.
Këtë të hënë, Boshnjaku, mik i Ervin Matës, ka dhënë dëshminë e tij. Ai është shprehur se menjëherë sapo ka filluar sherri, ai është larguar.
Sipas dëshmisë së tij, mësohet se ai nuk pranon të jetë i përfshirë në ngjarje.
”Nuk kam lidhje me konfliktet mes Ervin Matës dhe Ervis Martinajt. U vetëdorëzova pasi u qartësua pozicioni im në këtë konflikt, ka thënë ai.
Boshnjaku pritet të dalë për masë rivlerësimi nesër në Gjykatën e Tiranës.
Më 4 tetor në një prej lokaleve të ish bllokut gjatë një konflikti me armë mes dy grupeve mbeti i vrarë Fabian Gaxha dhe u plagosen Ervis Martinaj dhe Eljon Hato.
Në kërkim vazhdojnë ende të mbeten Ervin Mata, Merviol Bilo si dhe këngëtarja Elvana Gjata. Nga ana tjetër gjykata ka dhënë masën e arrestit me burg pa afat për Ervis Martinajn dhe Eljon Haton.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
