Qeveria shqiptare është pritur me protesta në Pejë.
Teksa brenda mbahej mbledhja e përbashkët mes dy qeverive, jashtë disa protestues me pankarta në duar, shprehën pakënaqësinë për qeverinë shqiptare.
Protestuesit janë të afërm të Valdet Zekës nga Grupi Kumanova, të cilët me pankarta në duar me moton “Gruevskin e ndihmuat, Val Zekën e tradhtuat”.
Gjatë fjalës së saj, nëna e Valdet Zekës, Shyhrete Zeka, ka thënë se është turp për qeverinë e Shqipërisë qe ka ndihmuar Nikolla Gruevskin të ikë nga Maqedonia përmes Shqipërisë, ndërsa nuk është kujdesur asnjëherë për ata që janë në burg në rastin e Kumanovës.
