Deputeti Alket Hyseni duket se ka dëgjuar dhe i ka lexuar kritikat që i janë bërë lidhur me përdorimin e fjalës ‘autik’, një prej epiteve që solli reagime të forta.
Pa shumë bujë dhe në qetësi, deputeti e ka korrigjuar fjalën duke e zëvendësuar me një fjalë tjetër. Ndoshta, deputeti nuk e di që Facebook i njeh ndryshimet dhe e bën të dukshme dhe të qartë për ndjekësit duke lejuar që dhe ata t’i shohin ndryshimet..
Deputeti e ka zëvendësuar fjalën ‘autik’ me tre fjalë të tjera: shfazim, sindromë, e plak i çartur.
Kujtojmë se ai e quajti ish-kryeministrin Berisha, plak autik, një epitet që psikologia Denata Toci e cilësoi fyes duke dhënë dhe 3 arsyet pse nuk duhej përdorur.
Deri më tani, Alket Hyseni nuk ka kërkuar falje publike dhe nuk ka asnjë reagim për këtë situatë, por vetëm është përpjekur të ndryshoje sa mundet statusin.
