Ditën e djeshme, një 16 vjeçar nga Peqini u plagos me armë. Gjendja e tij shëndetësore e tij është ende kritike dhe është ende i shtruar në spital.
Lidhur me këtë incident serioz, policia ka arrestuar shokun e tij për shkak se arma me të cilën është qëlluar shtetasi me inicialet G.B ka qenë e tij.
Kështu policia ka arrestuar E.B, 17-vjeç, i cili akuzohet për prodhim dhe mbajtje pa leje të armëve, lëndëve shpërthyese dhe municioneve.
Njoftimi i policisë:
Specialistët e Hetimit të Krimit në Komisariatin e Policisë Peqin, arrestuan në flagrancë shtetasin:
- E.B., 17 vjeç, banues në fshatin Lisnajë Peqin.
Arrestimi i tij u bë pasi në banesën e tij, është vetëplagosur nga pakujdesia me armë zjarri pistoletë shtetasi G.B., 16 vjeç (të cilët ishin shok me njërin – tjetrin,) i cili është dërguar në spitalin e traumës Tiranë dhe ndodhet në gjendje të rëndë shëndetsore.
Ne vendngjarje u gjet dhe u sekuestrua në cilesine e provës materiale, një pistoletë me një krehër dhe tre fishekë në të.
Materialet u referuan në Prokurorinë pranë Gjykatës së Shkallës Parë Elbasan, për veprën penale “Mbajtja pa leje dhe prodhimi i armëve, armëve shpërthyese dhe i municionit” parashikuar nga neni 278/2/3 i Kodit Penal.
