Partia Demokratike këmbëngul sërish për arrestimin e Vangjush Dakos duke ripërmendur dhe njeherë se Dako është peshku i madh i dosjes 339.
Nga selia blu, deputeti i Partisë Demokratike, Xhemal Gjunkshi, nëpërmjet një deklarate për shtyp u shpreh se Edi Rama është ai që po pengon hetimet dhe arrestimin e tij.
Duke iu referuar denoncimeve të PD, sipas deputetit, ato provojnë sa të vërteta janë akuzat për Dakon dhe se shkarkimi i kryebashkikaut të Durrësit duhet të ishte veprimi i parë që duhet të kishte bërë një kryeministër i pakapur nga krimi.
Gjunkshi shprehet se Vangjush Dako meriton të ndëshkohet me burg për blerjen e votave nëpërmjet bandave dhe për shpërblimin me tendera, punë publike dhe favore të tjera për krimin që i siguroi votat.
Për këtë, deputeti thotë se mjafton të marrim Dosjen 339 në të cilën ndodhen qindra faqe me përgjime që vertetojnë lidhjet e bandes kriminale të qeverisë me bandën e Avdylajve, në Durrës dhe Shijak .
”Biseda e shkurtit 2017 me bandën Avdylaj, me nofkën Niçja, ku i premton favore, e vërteton më së miri përmasën e skandalit Dako.
Nëpërmjet përgjimeve, shqiptarët kanë parë sesi banditët drejtojnë një kryebashkiak dhe caktojnë pushtetin e një kryeministri.
”Këto fakte janë një apel, për të gjithë miqtë e Shqipërisë, për qytetarët e ndershëm që kerkojnë dhe dëshirojnë që në këtë vend të ketë liri, te ketë demokraci, që në ketë vend të sundojë ligji dhe jo krimi”, u shpreh deputeti.
https://www.facebook.com/partiademokratike/videos/776082002746267/?notif_id=1542472889623154¬if_t=live_video
