Policia ka dhënë versionin zyrtar lidhur me ngjarjen e mëngjesit të sotëm në Durrës, teksa u tentua t’i vihej lëndë plasëse kreut të Hekurudhave, Ani Dyrmishi.
Sipas policisë dhe ekspertëve anti-eksploziv, pakos së dyshuar i mungonin elementë për të qenë plasëse.
Njoftimi i plotë
Sot rreth orës 08:30, në lagjen nr.4, në një parking mjetesh u konstatua një pako, e dyshuar si lëndë plasëse. Në vendin ku u gjet pako, ishte parkuar mjeti tip ‘Pasat’ me targa AA 070 TP, në përdorim nga shtetasi A.D. me detyrë Drejtor i Përgjithshëm i Hekurudhave. Në momentin që ka lëvizur mjetin, ai nuk e ka konstatuar pakon e dyshimtë.
Nga konkluzionet e para të ekspertëve anti-eksploziv rezulton se pakos së dyshuar i mungonin disa elementë për të qenë lëndë plasëse. Grupi hetimor po punon për sqarimin e rrethanave të ngjarjes.
Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale “Kanosja për shkak të detyrës”.
