Policia e Shkodrës ka parandaluar përshkallëzimin e një konflikti të çastit, ku njëri prej shtetasve ka qëlluar në ajër me pistoletë .
Falë reagimit të shpejtë të policisë u arrestuan në flagrancë dy shtetasit e përfshirë në konflikt , si dhe dy shokët e tyre për “Moskallzim krimi”.
Policia bën me dije se janë arrestuar shtetasit:
Enton Dushaj, 33 vjeç, banues në lagjen “Vojo Kushi”, Shkodër,
Kristian Shkambi,26 vjeç, banues në lagjen “Skenderbeg”, Shkodër
Ardit Bajramaj, 27 vjeç, banues në fshatin Llazan, Malësi e Madhe,
Eduard Bajramaj, 38 vjeç banues në fshatin Llazan, Malësi e Madhe,
Arrestimi i tyre u bë pasi në lagjen “Vasil Shanto”, Shkodër, në një lokal, shtetasi E. D, është konfliktuar me shtetasin E. B.
Shtetasi E.D, në largim e sipër ka qëlluar një herë në ajër me armë zjarri, pistoletë.
Me marrjen e njoftimit , Policia ka reaguar në kohë , duke kapur dhe arrestuar dy shtetasit e përfshirë në konflikt, si dhe dy shtetas të tjerë për moskallzim krimi, (shokë të tyre).
Policia po vijon punën për gjetjen e armës së zjarrit të përdorur nga shtetasi E. D. Materialet iu referuan Prokurorisë Pranë Gjykatës së Shkallës së Parë Shkodër për veprime të mëtejshme.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
