Blogerja Alyne njëkohësisht dhe e dashura e blogerit të famshëm Nas i cili erdhi në Shqipëri për të promovuar vendin tonë, ka publikuar një video në të cilën ka ndjerë të nevojshme të sqarojë reagimin e saj në emisionin ‘Xing me Ermalin’.
Kujtojmë se Alyne reagoi ashpër ndaj pyetjes së Kejvinës e cila e pyeti Nasin nëse udhëtonte për të takuar femra të tjera. Kjo pyetje sipas saj nxirrte në pah që Shqipëria ka një problem të madh përsa i përket seksizmit dhe trajtimit të femrës në shoqëri.
Dhe pse Ermali deklaroi se ajo ishte në kuadrin e shakasë, Alyne shpërtheu në lot duke argumentuar se është shumë e ekzagjeruar dhe përmendi faktin se femrat në Shqipëri trajtohen si objekte seksi.
Në videon që ajo sapo e ka publikuar, Alyne sqaron se reagimi i saj nuk ishte i ekzagjeruar, po e ndjeu të nevojshme të fliste, pasi nuk mund të bëhen shaka seksiste në një televizion kombëtar.
Alyne në videon e re thotë se ‘Ta përdorësh seksizmin për vëmendje nuk është mirë”, ku prapë i dalin lotët duke mos e quajtur të tepruar reagimin e saj.
https://www.facebook.com/dearalyne/videos/252837255411217/
