Këngëtarja e njohur amerikane, Mel B ka pranuar se ka konsumuar gjashtë ‘vija’ kokainë vetëm për shkak të marrëdhënies me ish-partnerin e saj, Stephen Belafonte.
43-vjecaja bëri këtë veprim që t’i mbijetonte veprimeve të tij abuzuese. Përveç kësaj, ajo piu edhe 200 pilula që të arrinte vdekjen.
Gjithçka ka ndodhur në periudhën kur ishte e angazhuar si juriste në ‘X Factor’. Detajet i ka zbuluar në librin e saj autobiografik “Brutally Honest”.
Për natën kur konsumoi kokainë, ajo shkruajti:
“Isha një person i pikëlluar dhe patetik. Isha jashtë kontrolli. Ditën merrja pesë-gjashtë vija, para dhe pas punës. Kjo gjë ma zbuste dhimbjen. Më bënte mjaftueshëm të gatshme dhe më bënte të harroj gjithçka, përveç spektaklit. Isha aq keq, saqë dy javë pas xhirimit të ‘X Factor’ fillova të merrja kokainë në mënyrë që të isha e qëndrueshme. Që t’i mbijetoja jetës edhe më Stephenin që ishte si një klaustrofobi neurotike.”
Melanie, e njohur si Mel B thoshte se ish-burri i saj i ushtronte dhunë fizike e psikologjike duke e bërë të ndihej e shëmtuar dhe duke regjistruar momente seksuale.
