Presidenti i Republikës së Shqipërisë, Ilir Meta është presidenti i parë shqiptar i cili viziton fshatin Mexhitli të Manastirit në Maqedoni.
Ai u prit nga autoritetet vendore dhe nga dhjetra banorë nga ku ka zhvilluar takime dhe diskutime mes tyre.
“Falënderojmë Presidentin Meta për vëmendjen e kujdesin që tregon ndaj shqiptarëve në Maqedoni”, thanë banorët gjatë pritjes së tyre.
Meta nga ana tjetër, në fjalën e tij u siguroi se kurrë nuk do të jenë vetëm.
“Ju dhe të gjithë shqiptarët në Maqedoni kurrë nuk do të jeni vetëm. Shteti shqiptar do të qendrojë gjithmonë pranë jush.Ju jeni krenaria shqiptare e zonës së Manastirit. Ju falenderoj që mbani gjallë e trashëgoni vlerat dhe traditat më të mira të shqiptarëve.Kruja, Vlora, Prizereni e Manastiri jane qytetet me te rendesishme per ne shqiptaret”, u shpreh Meta.
